كل ما تريد معرفته عن إضافة المواليد في البطاقة التموينية (الموعد + الاوراق + الموقع + النشرة الوزارية رقم ١٩ لسنة ٢٠١٨)

كل ما تريد معرفته عن إضافة المواليد في البطاقة التموينية

(الموعد + الاوراق + الموقع + النشرة الوزارية رقم ١٩ لسنة ٢٠١٨)

أصدرت وزارة التموين والتجارة الداخلية، توجيهاتها إلى مديريات التموين لبدء إضافة المواليد الجدد على البطاقات التموينية بداية من شهر أغسطس المقبل، وتضمنت إضافة المواليد الذين لم يتم إضافتهم منذ عام 2005،

سيتم اضافة المواليد طبقاً للتوجيه الوزارى رقم 19 لسنة 2018 اعتباراً من 1/8/2018 حتى 31/10/2018 طبقاً للشروط الموضحة.

رابط  وزارة التميون

http://www.msit.gov.eg/ar/

تحديث من قلب الحدث

الموضوع بالتفصيل وبالعربي

هاااااااااااام لتوضيح قرار اضافه المواليد ⁦🖐️⁩👇👇

الشروط :-

١/ البطاقه التموينيه لازم تكون ساريه ومفيش فيها اى اخطاء .

٢/ المواليد اللى هتتضاف من ٢٠٠٦/١/١
لغاية ٢٠١٥/١٢/٣١ .

٣/ عدد الاطفال اللى ممكن تتضاف ع البطاقة الواحده بحد اقصي تلاته ٣ ( يعنى بالكتير ٣ عيال بس اللى تقدر تضيفهم على بطاقتك ) .

لو لاقينا الشروط دى تنطبق على حالتنا نيجى ع اللى بعده 
👇👇👇👇👇👇👇

الفئات اللى ممكن تسجل اولادها وحددها الوزير :-

1- الموظف ( حكومي - عام - خاص )
ودا من بكرة جرى على شغله يجيب مفردات مرتبه معتمد ومختوم 👈👈👈👈 لو اكتر من ٢٥٠٠ جنيه ماتروحش التموين ولا تفكر تضيف عيالك اصلاً.

٢- المعاش ( حكومي - عام - خاص )
هنجيب شهاده بالمعاش ولو اكتر من ٢٠٠٠ جنيه ايديك ف ايد اخوك اللى فات وروحووووو على بيتكم.

٣- الارمله / المطلقه / المرأه المعيله .

٤- اصحاب الامراض المزمنه / ذوي الاحتياجات الخاصه .

٥- القصر وليس لديهم عائل .

٦- العمال / المهنيون / الحرفيون / الحاصلون على مؤهلات وبدون عمل 👈👈👈 دول يعملو بحث اجتماعى ف الشئون الاجتماعيه اللى جمب بيتهم بان دخلهم اقل من ٢٠٠٠ جنيه ف الشهر.

زى ما اتفقنا لو شرط واحد بس من اللى قولناه مش عندك اقعد على جمب ووسع لغيرك وشوف مصلحتك 👍
لو ينطبق عليك كل اللى فات تعالى نشوف اللى بعده 👈👈👈👈👈👈👈👈

الاوراق المطلوبه :-

١- استمارة اداء خدمه ( ودى م المكتب التموينى اللى انت تبعه ) .
٢- شهادة بالدخل (اللى قولنا عليه فوق 👆مش اكتر من ٢٥٠٠ لو موظف ، مش اكتر من ٢٠٠٠ لو معاش او بحث اجتماعى ) .
٣- صور البطاقات الشخصيه للى موجودين ف البطاقه ولو اقل من ١٦ سنه نجيب صورة شهاده الميلاد .
٤- صورة شهادة ميلاد الطفل اللى عايزين نسجله .
٥- اقرار بصحة البيانات 👈👈 ( عشان لو سولت لك نفسك تزور الدخل وانت بتاخد على قلبك ألوفات الجنيهات تستحمل اللى هيجرالك 👊 )
٦- متنساش تكتب رقم موبايل صاحب البطاقه واتأكد انك كتبته صح وانه يكون متسجل باسمك فى شركه المحمول عشان اي غلط بسيط بيدوخك و يدوخنا معاك .

المواعيد حسسب اخر رقم من  الييمين في البطاقة

لو كل اللى فات تمام تعالى بأه على اهم نقطة ف الحوار دا كله 👈👈👈👈👈👈👈👈
الوزير قسم الناس لتسع شرايح على حسب رقم البطاقه التموينيه ،،،،
يعنى سعادتك هتمسك بطاقتك التموينيه وتشوف اول رقم م اليمين وتبص ع الجدول الجاي تشوف الفترة اللى تروح فيها للمكتب عشان تسجل عيالك ( يعنى لاتروح قبلها بيوم ولا بعدها بيوم )

لو مكتوب اول رقم م اليمين (٠)صفر تروح من يوم ١ اغسطس ليوم ١٠ اغسطس
لو مكتوب ١ تروح من ٨/١١ : ٨/١٧
لو مكتوب ٢ تروح من ٨/١٨ : ٨/٢٤
لو مكتوب ٣ تروح من ٨/٢٥ : ٨/٣١
لو مكتوب ٤ تروح من ٩/١ : ٩/٧
لو مكتوب ٥ تروح من ٩/٨ : ٩/١٤
لو مكتوب ٦ تروح من ٩/١٥ : ٩/٢١
لو مكتوب ٧ تروح من ٩/٢٢ : ٩/٢٨
لو مكتوب ٨ تروح من ٩/٢٩ :١٠/٠٥
لو مكتوب ٩ تروح من ١٠/٠٦ : ١٠/١٢
👈👈👈👈👈👈👈 ماتروحش غير ف ميعادك،،،، إن فاتك الميعاد بلاش تروح بمزاجك عشان الزحمه ومفيش داعى تعطل نفسك لان مش هيتعملك حاجه،،، 👈👈👈👈
طب تعمل ايييييييييييه
تستنى اخر اسبوعين ف شهر اكتوبر من ١٠/١٣ لغايه ١٠/٣١ دول مخصصين للى معرفوش يروحو مكتب التموين ف ميعادهم اللى متحدد ف الجدول الزمنى لاى سبب عشان ميبقاش ليك حجه تعطل نفسك وغيرك والمسكين اللى بيشتغل ف عز الحر 👌

واخيييييييييييراً

عزيزى المواطن / عزيزتى المواطنه ....
اتكلمو. مع الموظفين بطريقة. جيدا. . احترموهم. علشان يعرفو. يخدموكم. 
الناس دى هتتعب الايام الى جاية. لانى الموضوع كبير ..
نستحملهم. شوية. نحاول نسعدهم على الاقل النظام. . وحسب رقمك روح. المكتب ..

بالتوفيق للجميع